وانت بتعمل برنامج كتابتك للكود بتاعه بتحدد حاجات كتير

ابسطها ان البرنامج هيشتغل ولا لأ

لكن الاهم هل لو العميل طلب تعديلات

لما نرجع للكود عشان نغيرة هتكون عمليه سهلة ولا صعبة

اجابه السؤال ده هي سؤال ليك

؟ clean code هو انت بتعرف تكتب

اولا هو الفيديو ده مفيد لمين

يعني مثلا للمبتدأين ولا للناس اللي عنده خبرة

ولا معتمد علي لغة برمجة معينه؟

الفيديو ده لاي حد شغال في مجال البرمجة وبيكتب اكواد برمجية

اين كانت اللغة اللي بيستخدمها او المستوي اللي هو فيه

لان الفيديو ده هيغير طريقتك وانت بتكتب كود

وهيخلي البرامج بتاعتك سهلة في قراءة الاكواد الخاصة بيها

وده معناه انها هتكون واضحة لاي حد من زمايلك وهيبقي سهل التعديل فيها

ايه هو بقي ال clean code وايه اللي هيضفهولي

ال clean code ده مجموعة قواعد المفروض تمشي عليها

وانت بتكتب كود لبرنامج عشان الكود بتاعك يكون readable او مقروء ويكون سهل التغيير عليه

ياباشمهندس انت كل شوية بتقول تغيرات

هو التغييرات دي بتحصل كتير مش خلصنا البرنامج او التطبيق وخلاص

كل البرامج بعد مبتخلص بيطلب تعديلات عليها من العملاء

سواء لتحديثات فيها او لتعديل حاجات موجودة

وطريقة كتابتك للبرنامج اول مرة هي اللي بتحدد هناخد وقت قد ايه والموضوع هيكون سهل ولا لا

معظم الكلام اللي هنقولوا في الفيديو هو لحد اسمه روبيرت سي مارتن وشهرتة uncle bob

وهو ليه كتاب شهير اسمه

Clean code

ويعتبر من اقوي الكتب في المجال ده