Rock n Roll Einteins fokus daarop om leer vir kinders lekker te maak d.m.v musiek, visuele stimuli en beweging. Elke video se inhoud word deur 'n werkkaart vergesel om die kennis te toets en in te oefen.

Die taalvideo’s bestaan uit enkelklanke en ander klanke soos dit in die CAPS kurrikulum vervat word. Die -a- . -e- , -o-, -i-, -o- woorde, langklanke -aa-, -ee-, -oo-, -uu- en ook -oe-, -ou-, -ui-, -eu-,-ie- klanke word visueel en deur musiek ingeoefen. Hierdie vorm Graad 1 se basis van klankherkenning wat belangrik is vir lees en spelling. Die basiese wiskundige vaardighede soos tel in 2’s, 3’s, 5’e en Maats van 5 tot 10 word ook deur die twee volumes behandel.

CAPS is swaar aan inhoud en ouers kan ook die video’s by die huis gebruik om basiese vaardighede te versterk. Terselfdertyd is daar pret wat leer vir leerders lekker maak.

Leer vind net soveel makliker plaas as daar positiewe emosie betrokke is.

Aan die einde van die kursus is daar ekstra 7 werkkaarte vir hersiening.