Ихэнх шинээр бизнес эхлүүлж буй хүмүүс өөртөө бий болгосон ажлын байраа бизнес гэж эндүүрдэг. Эхэндээ бүх зүйл сайхан, эрх чөлөөтэй, удирдлагын дарамтгүй, урам зоригтойгоор хийе гэсэн бүхнээ хийнэ. Ашиг, орлого ч чамгүй орж, мөнгөөр тасрахгүй. Гэтэл нэг л өдөр ажлаа барахаа болино. Хоногийн 16 цаг бизнес дэх бүх л ажлыг ганцаараа хийсээр ядарна, цуцна. Ингээд ажилдаа туслуулахаар хэн нэгнийг ажилд авах боловч сэтгэлд нь нийцэхгүй, давхар бизнесийн зардал өссөөр л байна. Нэг мэдэхэд өрнөөс өрний хооронд, ажлаас ажлын хооронд ямар ч завгүй, аз жаргалгүй хүн болж хувирна. Бизнесээсээ холдох л юм бол ажил орлого нь зогсчих гээд, бизнесийнхээ боол болсон байна. Тиймээ энэ бол нийтлэг хувиараа хөдөлмөр эрхлэгчдийн дүр зураг. Бизнес эрхлэх ур чадварт суралцахгүй бол биднийг ийм л ирээдүй хүлээж байгаа. Энэхүү сургалтаараа өөрийн 10 гаруй жилийн бизнесийн туршлагаар олж авсан, амжилттай бизнесийг бүтээх суурь зарчмуудыг хуваалцаж байна. Бүх зүйлийг тэгээс эхэлсэн учраас, хэн нэгнээс эхлэлийн хөрөнгө гэж санхүүжилт авч байгаагүй, бусдын тусламж дэмжлэгийг авалгүй бүгдийг бор зүрхээрээ хийсэн учраас энэ тал дээр хамгийн сайн ментор болох байх. Миний туулсан зовлон бэрхшээлийг өөр хэн нэгэн битгий давтаасай гэсэндээ энэхүү сургалтыг хүргэж байна. Энэхүү сургалтаар бизнес эхлүүлэхээс өмнө зайлшгүй мэдсэн байх зүйлс, бизнес эрхлэн авч явахад шаардлагатай ур чадвар, бизнесийг өөрийн оролцоогүйгээр явдаг болгох аргачлал, зайлсхийвэл зохих алдааг дэлгэрэнгүй дурдаж өгсөн байгаа.